blackballoons

Isang Tanghaling Trapik sa West Ave.

Dugong ipininta sa sako ang banderitas

Sa lamay ng pitumpu't tatlong taong

kinitilan ng (hanap)buhay habang umuusok

ang chicken mami at nagsasauna ang siomai.

Business as usual ang paskil sa tapat

Ng binarikadahang pinto sa likod

Ng bagong beautification project ng pamahalaan.

Itaas ang sahod at ibaba ang presyo

Ang sabi ng gumugulong na dugo sa sako.

Alumpihit sa bangketa ang mga bilad

Sa araw na bunbunan ng mga nagpicket sa Kowloon.

Habang sa katapat na kalsada

May mga nagpapalamig.

At nagkakape sa Starbucks.

Currently listening to: Tindahan ni aling nena - eraserheads
Currently reading: The Book Theif - Markus Zusak
Currently watching: nothing
Currently feeling: pissed